«Ливерпуль» ярим ҳимоячиси Филиппе Коутиньо ҳамон «ПСЖ» клуби қизиқишлари доирасида турибди.
Парижликлар июль ойидаёқ Неймарнинг илтимосига кўра бразилиялик футболчини сотиб олишга ҳаракат қилишганди. «ПСЖ» Коутиньо учун "Барселона" таклиф қилган пулни бермоқчи эди, аммо Неймарнинг илтимосига қарамай, Филиппе «Камп Ноу» кўчиб ўтишни истади. Натижада «Ливерпуль» футболчининг "Барса"га ўтишини тақиқлаб қўйди.
Энди «ПСЖ» Коутиньони мавсум якунланганидан қўлга киритишга уриниб кўради.
Аввалроқ Неймар парижликлар раҳбариятидан «Арсенал» ҳужумчиси Алексис Санчесни сотиб олишни сўрагани ҳақида хабар тарқатилганди.