Португалия терма жамоаси собиқ сардори УЕФАда раҳбар лавозимлардан бирини эгаллади. «Барселона» ва «Реал» клублари собиқ футболчиси ташкилот президенти Александер Чеферин маслаҳатчисига айланди.

Фигу бир нечта масалалар билан шуғулланади. Жумладан, у илмий-услубий фаолият, футбол қоидаларининг муҳокамаси ва футболнинг жозибадорлиги устида ишлайди. Шунингдек, Фигу УЕФА элчилари дастурида муҳим вазифани бажаради.

«Фигу фантастик футболчи бўлган ҳамда у футбол майдони ва унинг ташқарисида ўзининг идеал даражада тутган. У футбол оламида жуда ҳурматга сазовор шахс. У бизнинг оиласиз аъзосига айланганидан хурсандман. Унинг беқиёс тажрибаси УЕФА учун жуда қимматли бўлди», – деди Чеферин.