“Реал”нинг собиқ устози Жон Тошак Гарет Бэйлнинг нега кўп жароҳат олаётганини айтди. Унинг фикрича, ўнг қанотда ўйнаш Бэйл учун ноқулай бўлаётган экан.
“Мен Бэйл билан гаплашганимда, у чап қанотдан зарба беришга ўрганганини айтганди. Аслида, у доим чап қанотда ўйнаган, ўнг қанотда ҳаракат қилиш Бэйл учун кўплаб муаммолар туғдиради. Мен ҳеч қачон Малдини ёки Роберто Карлоснинг ўнг қанотда ўйнаганини кўрмаганман. Менимча, Бэйл ҳам ўнг қанотда ўйнамаслиги керак. Бэйлнинг кўп жароҳат олаётганига шу сабаб бўлгандир балки”, деди Тошак.
