«Ювентус» «Монако» ҳимоячиси Фабиньога бўлган қизиқишларини тиклади. Calciomercato нашри хабарига кўра, италияликлар футболчи учун 50 миллион евро тўлашга тайёр.
Бу ҳолатда туринликлар Фабиньога даъвогарлар орасида етакчилик қилишмоқда. Бразилиялик футболчи хизматларига «ПСЖ», «Атлетико» ва бир қатор Англия клублари эҳтиёж сезмоқда.
«Ювентус» Фабиньони январь эмас, балки ёзги трансферлар мавсумида қўлга киритмоқчи.
Футболчи жорий мавсум Франция чемпионатида 8та учрашувда майдонга тушиб, 1та гол уришга муваффақ бўлди.
