13 октябрь куни Осиё Футбол Конфедерациясининг стратегик режалаштириш, маркетинг ва инфратузилма масалалари бўйича йўриқчиси Эльнур Мамедов ЎФФ маркетинг бўлими бошлиғи Бахтиёр Маметов ҳамроҳлигида Самарқандда бўлишди.
ОФК ва ЎФФ мутахассислари шу куни Самарқанддаги стадионлар билан танишиб, «Динамо» клуби раҳбарияти, матбуот хизмати, маркетинг бўлими вакили билан давра суҳбати ўтказди. Мутахассислар ҳозирги ҳолат билан танишиб, маркетинг ишларини ривожлантириш учун ўз маслаҳатларини беришди ва бу борада амалий ёрдам беришларини маълум қилишди.
Мутахассислар «Динамо» - «Олмалиқ» учрашувини ҳам кузатиб, ўйингоҳ билан тўлиқ танишиб чиқишди, ўйин олди ва ўйиндан кейинги тадбирлар қандай ўтишига ҳам гувоҳ бўлишди.
