Англия чемпионатининг 8-тури доирасида сўнгги учрашув бўлиб ўтди. "Лестер" ўз майдонида "Вест Бромвич"ни қабул қилиб, дуранг ўйнади.
Баҳснинг 63-дақиқасида Носир Шодли меҳмонларни ҳисобда олдинга олиб чиқди. Баҳс тугашига 10 дақиқа қолгани Риёз Маҳрез ҳисобни тенглаштиришга муваффақ бўлди.
2015/2016 йилги мавсумда Англия чемпионлигини қўлга киритган "Лестер"нинг ушбу мавсумдаги натижалари паст бўлмоқда. Жамоа 8-турдан кейин 6 очко билан жадвалда 18-ўринни эгаллаб турибди. "Вест Бромвич" эса 10 очко билан 10-поғонани банд этган.
Англия чемпионати, 8-тур
Лестер – Вест Бромвич 1:1 (0:0, 1:1)
Голлар: 0:1 – 63 Шодли, 1:1 – 80 Маҳрез.
Лестер – Шмейхель, Симпсон (Чилуэлл, 74), Морган, Магуайр, Фукс, Маҳрез, Иборра (Кинг, 90), Ндиди, Олбрайтон, Ихеаначо (Слимани, 74), Варди.
Вест Бромвич – Майхилл, Доусон, Хегази, Эванс, Гиббс, Ливермор, Криховяк, Бэрри, Родригес (Макклейн, 84), Рондон, Шодли (Маколи, 84).
Огоҳлантиришлар: Хегази (8), Майхилл (47), Ихеаначо (62), Олбрайтон (68).