Англиянинг "Лестер" жамоасида икки топ даражали мураббий ишлашдан бош тортди.
"The Guardian" нашри хабарига кўра, "Бавария"нинг собиқ устози Карло Анчелотти "тулкилар" раҳбарияти таклифига рад жавобини берган. У ёзгача дам олишини ва каттароқ жамоада ишламоқчи эканлигини маълум қилган.
Энди "Лестер" раҳбарияти янги бош мураббий излашни давом эттиришади. Айни дамда улар "Бернли" менежери Шон Дайч ва "Хаддерсфильд" устози Давид Вагнер каби номзодларнинг ишларини кузатишмоқда.
Эслатиб ўтамиз, ушбу ҳафтада Крэйг Шекспирга жамоадаги ёмон натижалар сабаб истеъфо берилганди.
Олдинроқ "Кристал Пэлас" ва Англия терма жамоаси собиқ устози Сэм Эллардайс ҳам "Лестер" таклифига ижобий жавоб бермаганди.
