«Челси» клуби бош мураббийи Антонио Конте «Манчестер Юнайтед» устози Жозе Моуриньюнинг гапларига жавоб қайтарди.
Аввалроқ португалиялик мутахассис шундай деган эди: «Мен ҳеч қачон жароҳатлар ҳақида гапирмайман. Қолган мураббийлар эса футболчи жароҳат олиб қолса йиғлаганлари-йиғлаган.
Агар мен ҳам қолганлар каби йўл тутганимда унда шу беш дақиқа ичида Ибраҳимович, Феллайни, Погба ёки Рохо ҳақида гапириб ўтирган бўлардим».
Журналистлар Контедан Моуринью бу ҳолатда италиялик мутахассисни назарда тутяптими деб савол бердилар.
«Ўйлашингизча, бу мен ҳақимда? Мен ҳақимда гапиргандан кўра у ўз жамоаси ҳақида ўйласин ва бошқаларга эмас ўзига бир қиё боқсин. Моуринью «Челси»ни керагидан ортиқ кузатади, ҳатто ўтган мавсумданда кўпроқ. У ўз жамоаси ҳақида бош қотириши керак», — дейди Конте.
