«Chelsi» klubi bosh murabbiyi Antonio Konte «Manchester Yunayted» ustozi Joze Mourinyuning gaplariga javob qaytardi.
Avvalroq portugaliyalik mutaxassis shunday degan edi: «Men hech qachon jarohatlar haqida gapirmayman. Qolgan murabbiylar esa futbolchi jarohat olib qolsa yig‘laganlari-yig‘lagan.
Agar men ham qolganlar kabi yo‘l tutganimda unda shu besh daqiqa ichida Ibrahimovich, Fellayni, Pogba yoki Roxo haqida gapirib o‘tirgan bo‘lardim».
Jurnalistlar Kontedan Mourinyu bu holatda italiyalik mutaxassisni nazarda tutyaptimi deb savol berdilar.
«O‘ylashingizcha, bu men haqimda? Men haqimda gapirgandan ko‘ra u o‘z jamoasi haqida o‘ylasin va boshqalarga emas o‘ziga bir qiyo boqsin. Mourinyu «Chelsi»ni keragidan ortiq kuzatadi, hatto o‘tgan mavsumdanda ko‘proq. U o‘z jamoasi haqida bosh qotirishi kerak», — deydi Konte.
