Мухлислар Олий лиганинг 25-тури доирасида "Бухоро" ва "Пахтакор" жамоалари ўртасида қизиқарли ўйин гувоҳига айланишди. Ҳакамларнинг баъзи баҳсли қарорлари ўйиннинг боришини таъсир кўрсатди, учрашувнинг шиддатига соя солгандек бўлди.

Ҳакамлар назоратчиси Радик Серазетдинов ҳакамларнинг ишини паст балл билан баҳолади. Жумладан, ФИФА рефериси Шерзод Қосимовга 7,0 балл қўйилди. Лайнсменлардан бири — Тимур Галеев 6,0, иккинчиси Акбар Пўлатов 7,5 баллга муносиб кўрилди.

Маълумотларга қараганда, Пўлатов "Бухоро" дарвозасига пенальти белгилашда ҳакамга нотўғри маълумот берган, Галеев эса "Пахтакор"нинг тоза голини офсайд сифатида баҳолаб, нотўғри қарор чиқарган.

“Бухоро” (Бухоро) – “Пахтакор” (Тошкент) 0:2.  18138 томошабин.
Ҳакамлар: Ш. Қосимов (Тошкент) - 7,0, Т. Галеев (Тошкент) - 6,0, А. Пўлатов (Тошкент) - 7,5, И. Ибрагимов (Нукус) - 8.
Назоратчи: Р. Серазетдинов (Тошкент).