«Атлетико» клуби ярим ҳимоячиси Янник Феррейра-Карраско ўз жамоаси мухлислари ва янги стадион ҳақида фикр билдириб ўтди.
«Атлетико» ишқибозлари — Испаниядаги энг зўри. Бизнинг стадион бошқаларига ўхшамайди, масалан, «Реал»никига, уларда мухлисларнинг кўпи сайёҳлардир ва улар учрашувни худди уйда ўтириб томоша қилаётгандек кўрадилар.
Бизнинг фанатлар ишчи туманлардан келадилар, уларнинг барчаси эҳтиросли ва клуб дея яшайдилар. Янги стадиондаги атмосфера ақлбоварқилмас даражада. Унинг ҳали «Висенте Кальдерон»дагидек қалби йўқ, бироқ бу амалга ошади», — дейди Феррейра-Карраско.
