А Серия етакчиси “Наполи” ушбу мавсумда ниҳоят “Ювентус”нинг ҳукмронлигига барҳам бериши мумкин. Goal нашри бунинг учун беш сабабни келтириб ўтди.
Катта жанглар ҳамиша вақт орқали тайёрланиб борилади. А Серия шохсупасида икки йилдан бери (“Рома” билан) тушмаётган Маурицио Сарри жамоаси ниҳоят чемпионликни ҳам қўлга киритиши мумкин. Албатта, мавсумнинг бу қисмида хулоса чиқаришга ҳали эрта, аммо куз мавсумида дастлабки таассуротларни чиқарса бўлади. Мусобақа бошланганидан уч ой ўтса ҳамки, неаполликларнинг ўрни тасодиф эмас.
Чунки Италиянинг энг томошабоп жамоаси
Пеп Гвардиола ҳушмуомалалаикда хасис эмас, бироқ унинг гапларида жон бўлади. Айниқса, гап ўйин ҳақида кетса. “Наполи фаолиятимда дуч келган энг яхши жамоалардан бири. Мен бунга шубҳа қилмайман. Энг яхшиси бўлиши ҳам мумкин.” “Манчестер Сити” устози буни Чемпионлар Лигасидан ўрин олшган баҳсдан кейин айтиб ўтганди. Саррининг жамоага келганига икки йил тўлди, “Наполи” эса бу давр ичида барча кузатувчи ва мутахассисларни ҳайратда қолдириб келмоқда. А Серияда 9 ўйиндан кейин 26 гол урган неаполликлар бундай кўрсаткич билан “Барселона”га деярли тенглашиб олган. Фақатгина, “Манчестер Сити”, “ПСЖ” ва “Ювентус” улардан яхшироқ. Шунингдек, жамоа ўзидан ажойиб таассурот қолдирмоқда. Ҳимоядан чиқиш, ҳужумкор турфа хиллик ва ўйинни назорат қилишдаги истак. Буларнинг барчаси “Наполи”да мужассам.
Чунки “Наполи” бу ҳимоя ҳам дегани
“Наполи”ни ҳужумдан тўхтатиш жуда қийин. Саррининг жамоаси маълум мувозанатсизликни чақириши мумкин, бироқ бундай назорат қилиш ҳимоя учун асқотмоқда. Бир неча ой олдин, журналист Райнолд Денуа ҳам Гвардиоланинг гапларидан иқтибос келтиирганди. “У доим айтиб келадиган нарса. Мақсад тўпга ...
