Футболчи уйга таом буюртма қилишни хуш кўради. Бугун қассоб юк машинасини энг таниқли мижози уйи қаршисида тўхтатди ва имо-ишора билан менга бинонинг олд қисмига қўйилган камераларни кўрсатди. Ҳозир соат кундузги уч ва тез орада Месси уйқуга кетади. Кўча ҳувиллаган, ҳеч ким Кастельдефельс тепалигининг иланг-биланг йўлларидан ўтиб, Ўртаер денгизидан завқ олиш учун бормайди.
Месси барбекю (жўшқин зиёфат) ташкиллаштиришни истаган чоғда қассобга қўнғироқ қилади ва унга стейк учун лаҳм гўшт, калла-поча ва дудланган колбаса келтиришини сўрайди. «Галисиялик» номини олган аргентиналик
