Мадриднинг “Реал” клуби бош мураббийи Зинедин Зидан “Тоттенхэм”га қарши ўйин олдидан ўз фикрлари билан ўртоқлашди.

Эслатиб ўтамиз, мадридликлар Испания чемпионатида ўртамиёна “Жирона” клубига имкониятни бой бериб қўйишганди.

“Ҳа, бу мен учун янги чақирув бўлди. Аламли мағлубиятни унута олмаяпман. Муҳими ишлашда давом этиш керак.

Биз жорий мавсумда ҳар қандай вазиятни бошимиздан ўтказдик. “Реал”га мағлубият мазаси ёқмайди, лекин янги чақирувларни яхши кўраман. Энди яна ғалабага бўлган имкониятларимиз ошди дея оламан.

Қачонки ишларим қийинлашиб кетса, шулардан қутулиш йўлларини ўйлаб топаман. Бу ҳолат эса менга ёқади.

“Реал” футболчилари ўз жойида, балки кимдир мағлубиятни ҳали ҳам гапириб юрган бўлиши мумкин. Аммо бугун фақат “Тоттенхэм”га қарши учрашув ҳақида ўйлаяпмиз. Ўйлайманки, “Реал” сафарда яхши ўйин ўтказади”, дейди Зидан.

Маълумот учун, “Тоттенхэм” – “Реал” учрашуви Тошкент вақти билан 00:45 да бошланади.