“Барселона” устози Эрнесто Вальверденинг айтишича, бу сафар Чемпионлар Лигасида инглиз клублари испанларга қараганда кучлироқ экан.
“Шак-шубҳасиз, олдингилардан фарқли ўлароқ бу сафар инглиз клублари Чемпионлар Лигасида катта кучга эга. Аслида, инглиз клублари ҳар доим ЕЧЛ ғолиблигига асосий даъвогарлар рўйхатида бўлишган. Уларда жуда кўп пул, иқтидорли футболчилар ва буюк тарих бор. Ўтган мавсумда испанлар ҳукмронлик қилганди, бу сафар инглизлар кучлироқ. Аммо бу билан испан клублари ғолибликка даъвогар эмас, демоқчи эмасман”, деди Вальверде.
