Англия Премьер-Лигасининг 11-туридан ўрин олган “Челси” ҳамда “Манчестер Юнайтед” жамоалари ўртасидаги учрашув якунига етди. Унда майдон эгалари кичик ҳисобда рақибларидан устун келишди.

55-дақиқада Альваро Мората томонидан киритилган ягона гол лондонликларга ғалаба тақдим этди.

Ўйин сўнгги қадар “қизил иблислар” гол уриш учун кўплаб ҳужумлар уюштиришди, лекин “Челси” футболчилари ҳимояда ишончли ҳаракат қилиб, марказий ўйинда “Манчестер Юнайтед”ни кичик ҳисобда мағлубиятга учратишди.

“Челси” – “Манчестер Юнайтед” 1:0 (0:0).

Гол: 1:0 – 55 Мората.

“Челси”: Куртуа, Кристенсен, Кэйхилл, Алонсо, Аспиликуэта, Фабрегас (Дринкуотер, 79), Канте, Азар (Виллиан, 87), Бакайоко, Дзаппакоста (Рюдигер, 66), Мората.

“Манчестер Юнайтед”: Де Хеа, Жонс (Феллайни, 62), Смоллинг, Валенсия, Байи, Матич, Янг (Лингард, 78), Эррера, Мхитарян (Марсьяль, 62), Лукаку, Рэшфорд.

Огоҳлантиришлар: Бакайоко (20), Джонс (49), Эррера (51), Феллайни (71).