Испания чемпионатининг 11-тури доирасида «Реал» ўз майдонида «Лас-Пальмас»ни қабул қилиб, йирик ҳисобда ғалаба қозонди.

Меҳмонлар тўпни яхши назорат қилиб, мадридликларга муаммо яратишга ҳаракат қилишди. Аммо маҳоратли футболчилардан ташкил топган "Қироллик клуби"нинг очко йўқотишга ҳақи қолмаганди. Зидан шогирдлари ўзлари яратган имкониятлардан самарали фойдаланиб, кетма-кет иккита мағлубиятдан кейин ғалаба қозонишди.

Биринчи бўлим тугашига яқин Каземиро бурчакдан етказилган узатмани бош билан дарвозага жойлаган бўлса, иккинчи бўлим бошида Асенсионинг олис масофадан йўллаган жуда кучли зарбаси олдида "Лас-Пальмас" дарвозабони ожиз қолди. Ўйин тугашига 16 дақиқа қолганида Иско якуний ҳисобни ўрнатди.

Ушбу ғалабадан кейин "Реал" ўз очкосини 23тага етказиб, "Атлетико" билан бирга 3 ва 4-ўринларни эгаллаб туришибди.

Испания Ла лигаси, 11-тур
Реал Мадрид – Лас-Пальмас 3:0 (1:0, 2:0)
Голлар: 1:0 – 41 Каземиро, 2:0 – 56 Асенсио, 3:0 – 74 Иско.
Реал Мадрид – Касилья, Начо, Вальехо, Рамос, Марсело, Кроос (Себальос, 78), Каземиро (Льоренте, 68), Иско, Асенсио, Роналду, Бензема (Васкес, 75).
Лас-Пальмас – Лисоаин, Маседо, Химо Наварро, Лемос, Бигас, Кастельяно, Гомес (Реми, 64), Кастельяно, Аквилани (Сантана, 83), Кальери, Витоло.
Огоҳлантиришлар: Иско (45), Кроос (64), Химо Наварро (79).