"Милан"нинг собиқ яримҳимоячиси Женнаро Гаттузо "Ювентус" яримҳимоячиси Андреа Пирлонинг фаолиятини якунлаш ҳақидаги қарорига муносабатини билдирди.
"Пирлонинг ўйинини кўриб, касбимни ўзгартириш ҳақида ўйлаганман. Биз Италиянинг 15 ёшгача бўлган футболчилар термасида бирга ўйнай бошлаганмиз. Ўшандаёқ у жуда кучли футболчи бўлган. Пирло - ажойиб инсон, у билан майдондаги вақтинг қувноқ ўтади.
Унинг "Юве"да "қайта туғилиши? Конте билан бирга ишлагани - унинг омади келгани бўлди. Мураббий унда яна юқори савияда ўйнаш истагини туғдира олди. Келажакка келсак, Пирло ҳамма нарса қила олиши мумкин", - дейди Гаттузо.
