«Барселона» ярим ҳимоячиси Усмон Дембелени операция қилган хирург Сакари Орава футболчининг тикланиш жараёни ҳақида ўз фикрларини билдириб ўтди.
«Тикланиш кутилганидан тезроқ кечмоқда. Балки у «Реал»га қарши ўйингача тўлиқ тайёр бўлар, аммо бу фақат эҳтимол. Мен бунга кафолат бера олмайман.
У ноябрь ойининг ўрталарида тўп билан ишлашни бошлайди. Жароҳатни қайталаш хавфи бор, аммо бунинг эҳтимоли жуда кичик. Усмон ёш йигит, шу боис бундан кейин ҳаммаси яхши бўлиши лозим», – деди Орава.
20 ёшли футболчи "Барселона" сафида 3та ўйинда иштирок этди ва битта голга узатма берди.
Эслатиб ўтамиз, «Реал» — «Барселона» ўйини 23 декабрь куни 17:00да (Тошкент вақти билан) бошланади.