"Барселона" ҳужумчиси Луис Суарес жамоанинг собиқ ҳужумчиси Неймар "ПСЖ"га ўтиб кетганидан сўнг жамоа бошқача ҳаракат қилаётганини таъкидлади.
Уругвайлик футболчи буни ўзининг кам гол ураётгани ҳақидаги саволга жавобан айтди.
"Албатта, Неймардек савиядаги футболчи билан ўйнаш бошқача эди, аммо мени чапроқда ўйнашга Вальверде мажбур қилаётгани йўқ. Бу ўз ўзидан бўлмоқда, у ерда ҳеч кимни кўрмагач, ўша ерга ўтяпман. Мураббий эса мени қаерда кўпроқ фойда беришимни билади.
Вальверде қайси амплуада ўзимни яхши ҳис қилишимни тушунади. Шунинг учун менинг чап қанотда пайдо бўлаётганим - тактик хулоасадан эмас", - дейди Суарес.
Суарес примеранинг 11 туридан сўнг 8 та учрашувда 3 та гол урган ва битта голга тўп оширган.
