«Барселона» бир неча ойдан бери «Лион» ярим ҳимоячиси Набил Фекирни кузатиб келмоқда.
"Кўк-анорранглилар" спорт директори Роберт Фернандеснинг шахсан ўзи "Лион"нинг Европа лигаси доирасида «Эвертон»га қарши учрашувини (3:0) стадиондан кузатган.
Фекирни қўлга киритиш «Барселона» учун осон бўлмайди. Бунинг учун каталонияликлар «Лион» клуби ва унинг президенти Жан-Мишел Олас билан осон бўлмаган музокараларни ўтказишлари лозим.
Фекир Франция чемпионатининг ушбу мавсумида 11та гол урди ва 4та голга узатма берди.