“Интер” ҳужумчиси Мауро Икарди “Ювентус” дарвозасига голлар уришни ёқтиришини айтди.
“Ювентус” дарвозасига голлар уришни ёқтираман, чунки у “Интер”нинг азалий рақиби. Бу жамоалар ўртасидаги ўйин нафақат Италияда, балки бутун дунёда катта қизиқишга сабаб бўлади. Мен “Ювентус” дарвозасини “Сампдория”да ўйнаганимда ҳам ишғол этганман. Энди эса бу ишни “Интер”да амалга оширяпман. Футболда энг яхшиси эса “Ювентус” ва “Милан”ни мағлуб этганингда мухлисларнинг сенга кўрсатадиган муҳаббатидир. Мен бошқа ўйинларни ҳам қолдирмай кўришга ҳаракат қиламан, аммо бешта бола билан бу осон эмас. Бўш вақтим деярли бўлмайди”, деди Икарди.
