Ўзбекистон чемпионатининг 28-туридан ўрин олган «Пахтакор» ва «Олмалиқ» жамоалари ўртасидаги учрашувда стадионда жуда кўп мухлислар бўлиши кутилмоқда.
Tribuna.Uz манбаси берган хабарга кўра, учрашувда Тошкентдаги олийгоҳларнинг талабалари мажбурий олиб борилмоқда.
Ҳозиргача аниқланган манбаларга кўра, Ўзбекистон давлат жаҳон тиллари Университети, Тошкент тўқимачилик ва енгил саноат институти ва Сингапур (MDIS Tashkent) университетидаги талабаларга учрашувга мажбуран ташриф буюриш талаб қилинган.
Шунингдек пойтахтдаги бошқа олийгоҳлардан ҳам учрашувни кузатиш учун мухлислар жалб қилинган бўлиши мумкин.
Эслатиб ўтамиз, учрашувда «Барселона» ва Испания терма жамоаси собиқ ҳимоячиси Карлес Пуйоль стадиондан туриб кузатиб бориши режалаштирилган.
