Диего Симеоненинг “жангчилари” бу мавсумда ўзларига ўхшамаяпти. Турнир жадвалида ҳамшаҳарлари билан бир хил очко тўплаган бўлсада, чемпионлик учун кураша оладиган ўйинни ҳозирча уларнинг иштирокида кўрмадик. Эҳтимол “Эл Чоло”нинг жамоадан кетадиган пайти келгандир? Goal нашри унинг нурсиз ўйин кўрсатаётгани сабабларини қидириб кўрди.
“Рохибланкос” Чемпионлар Лигасида “Қорабоғ” билан дуранг ўйнаганидан кейин мусобақадан чиқиб кетиш арафасида ва бу аргентиналик мутахассис келанидан бери кўрсатган энг паст натижа ҳисобланади.
Диего Симеоненинг “Атлетико Мадрид”даги орзуси сўниб бормоқдами? Аутсайдер “Қорабоғ”ни на сафарда, на уйда енга олмаган “матрослар” ҳайратланарли тарзда нуфузли мусобақа билан хайрлашмоқда ва бу уларнинг сеҳрли эртаги ўз ниҳоясига етаётганидан дарак бермоқда.
“Атлетико” Ла Лигада енгилмас жамоалардан бири бўлиб келмоқда. Дастлабки 10 турда 5 дурангга эришиб, улар турнир жадвалида 4-ўринда боришмоқда. Европада эса, уч дуранг ва бир мағлубият билан барчасини якунлаш арафасида туришибди.
Муаммонинг бир бўлаги – бу клубнинг янги стадиони билан боғлиқ. “Ванда Метрополитано” ажойиб арена, аммо унда “Висенте Кальдерон”даги тажовузкорлик етишмаяпти. Рақиб жамоалар “Атлетико”нинг собиқ стадионига ташриф буюришга қўрқарди. Бироқ уларнинг янги стадиони бундай атмосферага эга эмас.
Иккинчиси ...
