Diyego Simeonening “jangchilari” bu mavsumda o‘zlariga o‘xshamayapti. Turnir jadvalida hamshaharlari bilan bir xil ochko to‘plagan bo‘lsada, chempionlik uchun kurasha oladigan o‘yinni hozircha ularning ishtirokida ko‘rmadik. Ehtimol “El Cholo”ning jamoadan ketadigan payti kelgandir? Goal nashri uning nursiz o‘yin ko‘rsatayotgani sabablarini qidirib ko‘rdi.
“Roxiblankos” Chempionlar Ligasida “Qorabog‘” bilan durang o‘ynaganidan keyin musobaqadan chiqib ketish arafasida va bu argentinalik mutaxassis kelanidan beri ko‘rsatgan eng past natija hisoblanadi.
Diyego Simeonening “Atletiko Madrid”dagi orzusi so‘nib bormoqdami? Autsayder “Qorabog‘”ni na safarda, na uyda yenga olmagan “matroslar” hayratlanarli tarzda nufuzli musobaqa bilan xayrlashmoqda va bu ularning sehrli ertagi o‘z nihoyasiga yetayotganidan darak bermoqda.
“Atletiko” La Ligada yengilmas jamoalardan biri bo‘lib kelmoqda. Dastlabki 10 turda 5 durangga erishib, ular turnir jadvalida 4-o‘rinda borishmoqda. Yevropada esa, uch durang va bir mag‘lubiyat bilan barchasini yakunlash arafasida turishibdi.
Muammoning bir bo‘lagi – bu klubning yangi stadioni bilan bog‘liq. “Vanda Metropolitano” ajoyib arena, ammo unda “Visente Kalderon”dagi tajovuzkorlik yetishmayapti. Raqib jamoalar “Atletiko”ning sobiq stadioniga tashrif buyurishga qo‘rqardi. Biroq ularning yangi stadioni bunday atmosferaga ega emas.
Ikkinchisi ...
