Италиянинг “Палермо” клубида 2002 йилдан бери фаолият олиб борадиган клуб президенти Маурицио Зампарини ўз лавозимини тарк этди. 76 ёшли бизнесмен ўрнин Жованни Жаммарва эгаллаган. Бу ҳақда “Палермо” клуби расмий сайти хабар бермоқда.

“Палермо” директорлар кенгаши бир овоздан жамоа президентлигига Жованни Жаммарва номзодини муносиб дея топди.

Эндиликда у жамоамизни барча спорт ўйинларига бошлаб боради. Жаммарвани янги лавозим билан табриклаймиз, умди қиламизки у “Палермо”ни яна “А” серияга қайтаради”, — дейилади хабарда.

Маълумот учун, “Палермо” Италия “В” сериясининг 13-туридан сўнг 22 очко жамғариб 2-ўринни эгаллаб турибди.