"ПСЖ" ва Бразилия терма жамоаси ҳужумчиси Неймар матбуот анжуманида миллий терма жамоа устози Титенинг сўзларидан сўнг кўз ёшларини тутиб тура олмади.
Эслатиб ўтамиз, ОАВ бразилиялик футболчининг "ПСЖ" бош мураббийи Унаи Эмери билан зиддиятга бораётганини ёритмоқдалар.
"Одамлар менинг Неймар билан чиқиша олмаётганимни доим гапиришади. Буни эшитиш жонга тегди. Айтишим мумкинки, у ўзига хос характерга эга. Биз идеал эмасмиз, баъзида нотўғри иш қиламиз. Фаолиятимда мен ҳам шундай қилганман. Аммо одамларнинг характери ва фаолияти ҳақида гапирганимизда эҳтиёткор бўлишимиз керак. Мен Неймарнинг характери, бори ва улкан юраги ҳақида гапиришим мумкин", - дейди Тите.
Шундан сўнг Неймар кўз ёшларини тутиб тура олмади, мураббийни қучиб қўйди ва матбуот анжуманини тарк этди.
