Колумбия аёллар терма жамоаси футболчилари уларнинг либосини колумбиялик таниқли модель Паулина Вега Дьеппа тақдим қилганидан норози бўлдилар.
Янги форма тақдимотида либосни футболчи аёллардан бири эмас, "Коинот гўзали-2014" ғолибаси кийиб таништирган. Колумбия аёллар терма жамоаси дарвозабони Ванесса Кордоба бунга қарши бўлди, унга жамоадошлари ва эркаклар терма жамоаси аъзолари ҳам қўшилдилар.
"adidas га қаршилигим йўқ, шунингдек, футбол фақат ўйинчиларга эмас, ҳаммага тегишли канини биламан. Тақдимот маросими учун омадли ва реклама мақсадлари учун мос аёлни танлашганини ҳам қадрлайман. Аммо ҳурмат юзасидан янги формамизни меҳнати сингган футболчи қизларимиздан бири таништириши керак эди. Шоу-бизнес вакилларининг футбол пиари билан шуғулланганлари яхши. Аммо терма жамоанинг янги футболкасини биринчи бўлиб Паулина эмас, масалан, Каталина Усме кийиши керак эди", - дейди Кордоба.
Паулина
Каталина
