Аргентина терма жамоаси ҳужумчиси Серхио Агуэро аргентиналик тўпурар футболчилар орасида учинчи ўринга кўтарилиб олди.
Эслатиб ўтамиз, “Манчестер Сити” ҳужумчиси кеча Россияга қарши ўртоқлик учрашуви (1:0) да ғалаба тўпини киритганди.
Эндиликда 29 ёшли футболчининг ҳисобида 35 та гол мавжуд. Эрнан Креспода ҳам худди шундай кўрсаткич. Бундан ташқарни Диего Марадонада 32та ва Гонсало Игуаин ҳисобида 31 та гол бор. Агуэрони фақатгина Габриэль Батистута (54) ҳамда Лионель Месси (61) лар ортда қолдиришмоқда.
Маълумот учун, Агуэро куни кеча “шаҳарликлар” таркибида178-голини урди ва “Манчестер Сити”нинг энг яхши тўпурарига айланганди.
