Англия термасининг собиқ ҳужумчиси Алан Ширер терма жамоа йиғинига боришдан бош тортган «Челси» ярим ҳимоячиси Дэниел Дринкуотерни танқид остига олди.
«Агар гап жаҳон чемпионати финал босқичи ҳақида кетса, менинг назаримда жароҳатлар тезроқ тузала бошлайди. Футболчи кам ўйин амалиётига эга бўлгани учун чақирувга рад жавобини берди? Дэнни Дринкуотер, сен ўзи нима ҳақида ўйладинг? Агар сизда етарли ўйин амалиёти бўлмаса, унда ўйнаш имкониятидан фойдаланинг!
Мен уни терма жамоа сафида кўришни хоҳламаган бўлардим. Бундай муносабатдан кейин, уни кейинчалик ҳам терма жамоа йиғинига чақирмаслик зарур. Мен ўйнаган пайтим, кўплаб футболчилар захирада ўтириш учун ҳам барча нарсадан воз кечишга тайёр эдилар.
Савол – футболчилар ҳақиқатда терма жамоада ўйнашни хоҳлайдиларми? Ёки клублар муҳимроқ бўлиб, халқаро футбол майнавозчилик бўлиб қолдими? Миллий терма жамоадан чақирув олиш сизга ғурур бағишламоғи ва янги савияга чиқиш учун туртки бермоғи керак, — дейди Ширер.
