Англия терма жамоасининг собиқ футболчиси Гарри Линекер Италия терма жамоасининг ЖЧ-2018 мусобақасидан қолиб кетганига ўз муносабатларини билдириб ўтди.
“Мама миа! Италия – 4 карра жаҳон чемпиони, 6 марта финалда ўйнаган, 1958 йилдан бери барча мусобақаларда иштирок этади, лекин улар Россияга бора олишмайди.
Италия қатнашмаган мусобақа ўзига ўҳшамайди. Арриведерчи. Шведларни ЖЧга чиқишгани билан табриклайман. Улар ҳақиқатдан ҳам чинакам ирода намойиш этишди.
Италия, Чили, Голландия жаҳон чемпионатига бора олмайди. Балки ЖЧ форматини 48 жамоага ошириш вақти етиб келгандир?”, – дея ёзган Линекер “Твиттер”даги саҳифасида.
