Европада ЖЧ-2018 йўлланмасини қўлга киритган сўнгги жамоанинг номи аниқ бўлди. Ирландия терма жамоаси ўз майдонида Данияни қабул қилди ҳамда йирик ҳисобда имкониятни бой берди.

Учрашувнинг 6-дақиқасида Даффи гол уриб, мезбон жамоа мухлисларига қувонч улашди. Аммо 29-дақиқада данияликлар автогол туфайли ҳисобни тенглаштиришди. Ўйиннинг қолган дақиқалари Кристиан Эриксеннинг бенефисига айланиб кетди. "Тоттенхэм" ярим ҳимоячиси 32-дақиқада меҳмонларни ҳисобда олдинга олиб чиққан бўлса, у иккинчи таймда ўз ҳисобига яна гол ёзиб, баҳсда хет-трикни расмийлаштирди.

Ўйинга қўшиб берилган дақиқаларда Бендтнер пенальтидан ҳисобни 1:5 кўринишига келтирди. Шу тариқа, Дания ЖЧ-2018 йўлланмасини расмийлаштирди.

Эслатиб ўтамиз, Данияда бўлиб ўтган дастлабки ўйинда ҳисоб очилмаганди.

ЖЧ-2018 саралаш, плей-офф, жавоб ўйини
Ирландия – Дания 1:5 (1:2, 0:3)
Голлар: 1:0 – 6 Даффи, 1:1 – 29, автогол Кристи, 1:2 – 32 Эриксен, 1:3 – 63 Эриксен, 1:4 – 73 Эриксен, 1:5 – 90, пенальти Бендтнер.
Ирландия – Рэндолф, Кларк (Лонг, 71), Даффи, Уорд, Кристи, Мейлер (Хулахан, 46), Макклейн, Брэйди, Хендрик, Артер (Макгиди, 46), Мерфи.
Дания – Шмейхель, Кьер, Бьелланд, Кристенсен, Ларсен (Анкерсен, 54), Дилэйни, Квист, Эриксен, Систо, Поульсен (Корнелиус, 70), Йоргенсен (Бендтнер, 84).
Дастлабки ўйин – 0:0