«Арсенал» клуби ҳужумчиси Оливье Жиру Премьер-лига 12-туридан ўрин олган «Тоттенхэм»га қарши ўйинда жамоасига ёрдам беролмайди. Бу маълумотни лондонликлар устози Арсен Венгер ҳам тасдиқлаган.
«Жиру ушбу ўйинга тайёр бўлади деб айта олмайман. Мустафи ва Уэлбекларга келадиган бўлсак, улар эртага яна бир бор тиббий кўрикдан ўтадилар», — дейди Венгер.
Жиру Франция терма жамоасининг Уэльсга (2:0) қарши кечган ўртоқлик учрашувида жароҳат олганди.
«Арсенал» — «Тоттенхэм» учрашуви 18 ноябрь куни соат 17:30да бошланади.
