“Бунёдкор” – “Бухоро” учрашувидан кейинги матбуот анжуманининг биринчи қисмида бухороликлар устози иштирок этди.

- “Бунёдкор”ни ғалаба билан табриклайман. Рақиб маҳорат бобида биздан яққол устунлик қилди ва ҳақли равишда ғалаба қозонди.

Учрашувга тайёргарлигимиз кўнгилдагидек кечмадими ёки ўйинга руҳан тайёрлана олмадики, билмадим. Бугун биз имкониятимиз даражасида ўйнай олмадик.

Мураббийликни бу йил бошладим. Мавсум поёнига етиб бораркан, баъзи жабҳаларда ишимга баҳо бериб фикр юритишим мумкин. Мураббийлик футболчиликдан тамомила бошқа касб эканлигини тушуниб етдим.

Футболчиликда жисмоний юкламалардан толиқсангиз, мураббийликда руҳан кучсизланиб қоласиз. Биринчи йилим қайсидир жиҳатлари билан ўзимга ёқди, камчиликларимни кўрдим.

Келгусида бу борада ишлашдан тўхтамайман. Ғалабалар завқи қўшимча куч бағишласа, мураббий сифатида мағлубиятга учраш қанчалик оғир эканлигини ҳис қилдим, - дейди Улуғбек Бақоев.