Мадриднинг "Реал" клуби бош мураббийи Зайниддин Зидан Европа Чемпионлар лигасининг АПОЭЛга қарши баҳсдан олдин ўз фикрлари билан ўртоқлашди.

Жамоанинг ҳолати ҳақида
Биз ўтган ҳафтадаги сингари ўзимизга ишонч билан ўйнашимиз зарур. Уч очко бизни плей-оффдан ажратиб турибди.

Бензема ва гол уриш борасидаги қийинчилик ҳақида
Ҳозирда кўп нарса жамоага таъсир ўтказмоқда. Бенземанинг ўзи ҳам жамоага кўпроқ ёрдам бера олиши мумкинлигини билади ва шу учун ҳаракат қилмоқда. Ҳар бир футболчи ўзига ишониши керак. Фикримча, жамоанинг ҳозирги ҳолати ҳам аслида ёмон эмас. Фақат яна бир иккита гол керак. Шунда ҳаммаси ўз изига тушиб кетади. Бугун албатта шундай бўлишига ишонаман.

Қишки трансферлар ойнасида футболчи ҳарид қилиниши борасида
Бу ҳақида суҳбатлашнинг мавриди эмас. Бу ҳақда ўша вақт келганида суҳбатлашамиз. Ҳозир эса мени фақат бўлажак ўйин ўйлантирмоқда. Биз учун бу баҳс осон бўлмаслигини биламиз, АПОЭЛ Чемпионлар лигасида ажойиб иштирок этиб келмоқда. Шундайн экан, бизнинг фикримиз фақат мазкур рақиб билан боғлиқ бўлиши керак.

Асенсио ва Себальоснинг ўйин амалиёти камлиги ҳақида
Бу саволни уларнинг ўзидан сўраш керак. Айни дамда улар ёш. Шунчаки Асенсионинг фаолиятини кузатинг. У аввалгидан кўра кўпрок майдонга тушмоқда. Себальос билан ҳам шундай бўлади. Унинг кайфияти айни дамда ёмон эмас. Льоренте, Ашрафга ҳам ҳали имконият берилади. Уларни катта келажак кутмоқда.