“Қорабоғ” бош мураббийи Гурбан Гурбанов “Челси”га қарши ўйин (0:4) дан   сўнг ўйинни бошқарган ҳакамлар ишидан норозилигини билдириб ўтди.

“Кўп гапиришни истамайман. Анчадан бери бундай ҳолатга тушмаган эдим. Биз 90 дақида давомида яхши футбол намойиш этмоқчи бўлдик, лекин бир киши кам бўлиб ҳаракатланганимиз қимматга тушди.

Стадионга келган мухлисларга миннатдорлик билдираман. Футболда нохақликлар рўй бериши мумкин, лекин бунчалик даражада эмас.

Қизил карточкада кимни айблашни ҳам билмайман. Ҳакамлар нотўғри қарорлар қабул қилишди. Шогирдларимга ўйин учун миннатдорчилик билдирмоқчиман. “Қорабоғ” “Челси”га сон жиҳатдан ютқазди холос”, - дейди Гурбанов.