“Челси” клуби ярим ҳимоячиси Эден Азар “Реал” клуби ўйинларини кузатиб бориши, лекин айни пайтда Лондондаги ҳаётдан норози эмаслигини айтиб ўтди.

“Реал” клубига бўлган ҳурматим баланд. “Челси” билан яна икки йиллик шартномам бор. Агар кетиш истаги пайдо бўлса, бу муаммо эмас. Бироқ ҳозирча мен “Челси” футболчисиман.

Барча мени “Реал”га бўлган муҳаббатим ўзгача эканлигини билади, лекин ҳозирча “Челси”га тегишлиман. Деярли ҳар йили, турли миш-мишлар пайдо бўлади.

Шунда ҳам “Челси” футболчиси бўлиб қолдим. “Лилль”да ўйнаган вақтим мени ПСЖга чорлашган, бироқ клубимга содиқ қолганман.

Ҳозир ҳам ўша тарих яна такрорланмоқда” — дейди Азар Canal+ эфирига берган интервьюсида.