“Челси” посбони Тибо Куртуа жамоа билан янги шартнома борасида музокара олиб бормоқда. Бельгиялик посбон асосий эътиборни молиявий жиҳатларга қаратмоқда.
Куртуанинг ҳозирги шартномаси 2019 йилгача мўлжалланган ва у ҳафтасига 110 минг евро миқдорида маош олади. Бироқ бу дарвозабонни қониқтирмаяпти. У “Челси”дан Давид Де Хеаники билан тенг бўлган маош талаб қиляпти. Де Хеа “Манчестер Юнайтед”да ҳафтасига 230 минг евро маош олади.
Айрим маълумотларга кўра, Куртуа “Атлетико”да Облакнинг ўрнини эгаллаши ҳам мумкин.
