“Манчестер Юнайтед” клуби бош мураббийи Жозе Моуриньо “Брайтон Альбион” жамоаси устидан қозонилган ғалаба (1:0) дан сўнг ўз фикрларини билдириб ўтди.

“Балки, бу бизнинг мавсумдаги энг қийин ўйинларимиздан бири бўлгандир. Икки кун олдин “Базель”га қарши учрашувда ажойиб имкониятлардан фойдалана олмагандик. Ўшанда гол уриш бизга насиб этмаганди. Бугун эса гол уришни уддаладик.

Футболчиларимни бугунги ғалаба билан табриклайман. Улар яхши ўйнашмади, лекин бор кучларини ғалаба қозониш учун сарфлашди ва танқидга муносиб эмаслар. Ўйлашимча, “Манчестер Юнайтед” энг яхши натижани қайд этди.

Майдонга “Ньюкасл”га қарши учрашув (4:1) даги ҳужумкор футболчиларни туширмаганимдан афсусланмайман. Баъзан бундай вазиятларда бир хилликни йўқотиш мумкин, гоҳида вазиятлардан фойдалана олмайсан. Чунки бу футбол дейди”, —Моуриньо.