Франциянинг ПСЖ клуби ҳужумчиси Неймар жамоа раҳбариятига Парижда фақатгина икки мавсум фаолият олиб боришга ваъда берди, бу ҳақда Marca нашри хабар бермоқда.
Нашрнинг хабарига кўра, футболчи Франция чемпионати ва ПСЖга ўтганидан афсусланмоқда. Неймарнинг ПСЖ билан тузган шартномасида камида икки мавсум ўйнаш шарти киритиб кетилган.
Айнан шу сабабга кўра, бразилиялик ҳужумчи ўз ваъдасини бажариш истагида. Икки мавсумни ўтказгандан сўнг эса бошқа клубда фаолиятини давом эттиришни мақсад қилган.
Яъни Неймар 2019 йилга қадар ПСЖда қолади кейин бошқа жамоага ўтиб кетиши мумкин.
Эслатиб ўтамиз, Неймар хизматларига ҳозирда Мадриднинг “Реал” клуби қизиқиш билдирмоқда.
