Fransiyaning PSJ klubi hujumchisi Neymar jamoa rahbariyatiga Parijda faqatgina ikki mavsum faoliyat olib borishga va’da berdi, bu haqda Marca nashri xabar bermoqda.
Nashrning xabariga ko‘ra, futbolchi Fransiya chempionati va PSJga o‘tganidan afsuslanmoqda. Neymarning PSJ bilan tuzgan shartnomasida kamida ikki mavsum o‘ynash sharti kiritib ketilgan.
Aynan shu sababga ko‘ra, braziliyalik hujumchi o‘z va’dasini bajarish istagida. Ikki mavsumni o‘tkazgandan so‘ng esa boshqa klubda faoliyatini davom ettirishni maqsad qilgan.
Ya’ni Neymar 2019 yilga qadar PSJda qoladi keyin boshqa jamoaga o‘tib ketishi mumkin.
Eslatib o‘tamiz, Neymar xizmatlariga hozirda Madridning “Real” klubi qiziqish bildirmoqda.
