Франция чемпионатининг 14-тури доирасида марказий ўйин бўлиб ўтди. Ўтган йилги чемпион «Монако» ўз уйида ушбу мавсум пешқадами «ПСЖ»ни қабул қилди.

Учрашувнинг 19-дақиқасида Кавани ҳисобни очган бўлса, пенальти тепиш ҳуқуқини ўзиники қилиб олган Неймар иккинчи бўлим бошида 11 метрли жарима зарбасидан ҳисобдаги фарқни 2тага оширди.

Ўйин тугашига 9 дақиқа қолганида Моутиньо мезбонларнинг битта голига муаллифлик қилди. Қолганига "Монако"нинг кучи етмади.

Шу тариқа, "ПСЖ" ўз очколарини 38тага етказиб, таъқибчиларидан 9 очкога илгарилаб кетди.

Франция чемпионати, 14-тур
Монако – ПСЖ 1:2 (0:1, 1:1)
Голлар: 0:1 – 19 Кавани, 0:2 – 52, пенальти Неймар, 1:2 – 81 Моутинью.
Монако – Субашич, Туре, Глик, Жемерсон, Раджи (Лопеш, 62), Фабиньо, Тилеманс (Геззаль, 67), Жорже, Моутинью, Кейта (Сидибе, 79), Фалькао.
ПСЖ – Ареоля, Дани Алвес, Маркиньос, Тиаго Силва, Курзава (Берчиче, 69), Верратти, Рабьо, Дракслер (Пасторе, 82), Мбаппе, Кавани (Ди Мария, 82), Неймар.
Огоҳлантиришлар: Жорже (9), Курзава (25), Жемерсон (30), Неймар (45), Туре (51), Дани Алвес (90), Берчиче (90).