"Барселона" ҳимоячиси Хорди Альба Испания чемпионатида "Валенсия" билан учрашувдан сўнг (1:1) ҳакамлардан норози бўлди.
Ҳисоб 0:0 вақтида ҳакамлар Лионель Мессининг тоза голини ҳисобга олмадилар.
"Бу ҳакамларнинг қўпол хатоси. Мен майдон марказида эдим, гол бўлгани ҳатто менга ҳам кўринди. Бу ачинарли!
ЎТган мавсумда "Бетис" билан ўйинда ҳам худди шундай бўлган эди. Ким билади, балки чемпионлик учун курашда айнан шунинг учун енгилгандирмиз.
Тўп чизиқни уч метр кесиб ўтса-ю ҳакам голни ҳисобламаса... Бу қанақаси бўлди?! Гол бўлган эди-ю!
Видеотакрор бу ерда ёрдам берган бўлар эди", - дейди Альба.
