Лондонинг “Арсенал” клуби раҳбарияти 2013 йил “Атлетико” ҳужумчиси Гризманни сотиб олиши мумкин эди. Лекин номаълум сабабларга кўра улар Яя Саногони Лондонга олиб келишган.

Маълум бўлишича, Гризманн 2012/2013 йил мавсуми “Реал Сосьедад” футболчиси сифатида 10 та гол урган. Натижада “Арсенал” футболчини ўз таркибига қўшиб олиш учун ҳаракатларни бошлаб юборган.

“Арсенал” вакили Эрик Олатс Гризманнинг агенти Гриманди билан музокаралар ўтказган. Бу ҳақда Гримандининг ўзи хабар бермоқда.

“Венгернинг мен билан алоқага чиқишини кутдим. Лекин қўнғироқ бўлмади. Орадан вақт ўтиб ўзим улар билан алоқага чиқишга мажбур бўлдим.

Айнан ўша вақт Европада трансферлар мавсуми ёпилишига икки соат қолганди. Гўшакни Венгер кўтарди ва Гризман билан шартнома тузиш истаги йўқлигини айтди.

Буни қарангки, яна бир неча йилдан сўнг “Арсенал” вакиллари мен билан Гризманн борасида алоқага чиқишди. Устига-устак, катта маош ва яхшигина таклиф билдиришганди. Аммо Гризманнинг ўзи таклиф “Арсенал”дан бўлаётганидан хабар топиб, дарҳол менга йўқ дейишимни буюрди”, - дейди Гриманди.