“Ланус” клуби ҳимоячиси, 24 ёшли Хосе Гомес фаолиятини тугатишга қарор қилганини айтди. Бунга Либертадорес кубоги финалидаги “Гремио”дан учралган мағлубият сабаб бўлмоқда.
Гап шундаки, жавоб баҳсида айнан Гомеснинг хатосидан кейин рақиб ҳисобни очди. Ўйин якунлангач эса футболчи футболдан кетаётганини маълум қилди.
“Ўйлашимча, бошқа футбол ўйнамаслигим керак. Бу мен учун жуда ёмон, жуда ёмон. Мен бундай хатога йўл қўймаслигим керак эди. Жуда ёмон кун бўлди. Мен футболдан кетаман. Хатойим учун эса “Ланус” мухлисларидан узр сўрайман”, деди Гомес.
