Ўз вақтида Нью-Йорк шаҳрида Пеле болалар учун мактаб очганди. Улар ўқувчилар сони ҳаддан ташқари кўп бўлганлиги боис футбол қироли болаларни 4 гуруҳга бўлганди. Биринчисига – Пелезино, иккинчисига – Дико, учинчисига – Эдисон ва тўртинчисига – Пеле деб ном қўйди. Пеленинг ташкилотчилигига қойил қолиш керак эди. Чунки у ҳар қандай вазиятда ҳам муаммоларнинг йўлини топарди. Лекин ҳаммасидан ҳам кўпчиликнинг лол қолган жойи шунда эдики, юқоридаги номларнинг барчаси қиролга тегишли бўлганди. Ҳали яшил майдонда тўп сурган пайтларида Пеле бу номларнинг барчасидан фойдаланганди.
***
1976 йил арафасида машҳур Гарринча ўғиллик бўлганди. Бу воқеа футболчининг ҳаётида шу даражада муҳим эдики, уни бир оғизгина сўз билан ифодалаб бўлмасди. Нега дейсизми? Унда эшитинг Бразилия юлдузи Наири билан 8 нафар қиз кўришган. Кейинги турмуш ўртоғи – қўшиқчи Элза Суарес ҳам унга бир йўла беш нафар қиз туғиб беради. Бу етмагандек улар яна 6 нафар қиз болани ўз тарбияларига олишган. Жами 19 қиз, лекин биттагина ўғил йўқ эди. Фақатгина йигирманчи уринишдагина машҳур ҳужумчига ўғил фарзанд келтирди. Гарринча ўз меросхўрига Мане деб исм қўяди. Афсуски, очлик ва қашшоқлик туфайли кичгина Гарринча бор-йўғи 6 йилгина умр кўрди, холос.
***
Англия терма жамоаси сардори Девид Бекхемнинг тарихи жуда қизиқ ва қимматли чиқиб қолди. Дунёнинг энг машҳур футболчиларидан бири саналадиган инглиз футболчиси ўз вақтида, янаям аниқроғи 1995 йилнинг 4 март куни мамлакат 3-дивизионида иштирок этадиган “Прэстон” клуби захира ўриндиғида 45 дақиқа ўтиргач, иккинчи бўлимда майдонга тушади ва ўз футболчилик фаолиятидаги илк тўпини дарвозага киритади. Энг қизиғи, ана шу захира ўриндиғи... давоми>>