O‘z vaqtida Nyu-York shahrida Pele bolalar uchun maktab ochgandi. Ular o‘quvchilar soni haddan tashqari ko‘p bo‘lganligi bois futbol qiroli bolalarni 4 guruhga bo‘lgandi. Birinchisiga – Pelezino, ikkinchisiga – Diko, uchinchisiga – Edison va to‘rtinchisiga – Pele deb nom qo‘ydi. Pelening tashkilotchiligiga qoyil qolish kerak edi. Chunki u har qanday vaziyatda ham muammolarning yo‘lini topardi. Lekin hammasidan ham ko‘pchilikning lol qolgan joyi shunda ediki, yuqoridagi nomlarning barchasi qirolga tegishli bo‘lgandi. Hali yashil maydonda to‘p surgan paytlarida Pele bu nomlarning barchasidan foydalangandi.
***
1976 yil arafasida mashhur Garrincha o‘g‘illik bo‘lgandi. Bu voqea futbolchining hayotida shu darajada muhim ediki, uni bir og‘izgina so‘z bilan ifodalab bo‘lmasdi. Nega deysizmi? Unda eshiting Braziliya yulduzi Nairi bilan 8 nafar qiz ko‘rishgan. Keyingi turmush o‘rtog‘i – qo‘shiqchi Elza Suares ham unga bir yo‘la besh nafar qiz tug‘ib beradi. Bu yetmagandek ular yana 6 nafar qiz bolani o‘z tarbiyalariga olishgan. Jami 19 qiz, lekin bittagina o‘g‘il yo‘q edi. Faqatgina yigirmanchi urinishdagina mashhur hujumchiga o‘g‘il farzand keltirdi. Garrincha o‘z merosxo‘riga Mane deb ism qo‘yadi. Afsuski, ochlik va qashshoqlik tufayli kichgina Garrincha bor-yo‘g‘i 6 yilgina umr ko‘rdi, xolos.
***
Angliya terma jamoasi sardori Devid Bekxemning tarixi juda qiziq va qimmatli chiqib qoldi. Dunyoning eng mashhur futbolchilaridan biri sanaladigan ingliz futbolchisi o‘z vaqtida, yanayam aniqrog‘i 1995 yilning 4 mart kuni mamlakat 3-divizionida ishtirok etadigan “Preston” klubi zaxira o‘rindig‘ida 45 daqiqa o‘tirgach, ikkinchi bo‘limda maydonga tushadi va o‘z futbolchilik faoliyatidagi ilk to‘pini darvozaga kiritadi. Eng qizig‘i, ana shu zaxira o‘rindig‘i... davomi>>