Ўзбекистон чемпиони - "Локомотив" жорий мавсум ҳисобидан сўнгги ўйинини 4 декабр куни мамлакат кубоги учун ҳал қилувчи финал баҳсида ўтказади.

"Темирйўлчилар"га финалда яна бир гранд клуб - "Бунёдкор" рақиблик қилади. Айни дамда "Локо" футболчилари мазкур ўйинга жуда қизғин тайёргарлик кўришмоқда. Ҳаво ҳарорати бироз пастлаганига қарамай "темирйўлчилар" жамоаси зўр иштиёқ билан машғулотлар ўтказишмоқда.

Машғулот жараёнида асосий эътибор олдиндаги баҳсда қўлланадиган тактикани амалда синаб кўришга қаратилмоқда. Таркибда жароҳатланганлар йўқ. Жамоамиз тўлиқ таркибда шуғулланмоқда.