"ПСЖ" бош мураббийи Унаи Эмери ЕЧЛ гуруҳ босқичининг сўнгги турида "Бавария"га қарши учрашув олдидан фикрлари билан ўртоқлашди.
"Еврокубокларда "Бавария"нинг бой тарихи борлиги рост. "ПСЖ" бу борада янги, бундай ёрқин натижалар билан мақтана олмайди. Сешанба куни ғалаба қозонишга ва чемпионлар лигасида ғолиб бўлишга ҳаракат қиладиган икки жамоа ўйинини кўрамиз.
Бизнинг жамоа мухлисларга ҳақиқатан ҳам катта клуб эканини исботлашни истайди. Бизда бундай имконият бор. Биз кучайганмиз ва чидамлироқ бўлганмиз", - дейди Эмери.
