"PSJ" bosh murabbiyi Unai Emeri YECHL guruh bosqichining so‘nggi turida "Bavariya"ga qarshi uchrashuv oldidan fikrlari bilan o‘rtoqlashdi.
"Evrokuboklarda "Bavariya"ning boy tarixi borligi rost. "PSJ" bu borada yangi, bunday yorqin natijalar bilan maqtana olmaydi. Seshanba kuni g‘alaba qozonishga va chempionlar ligasida g‘olib bo‘lishga harakat qiladigan ikki jamoa o‘yinini ko‘ramiz.
Bizning jamoa muxlislarga haqiqatan ham katta klub ekanini isbotlashni istaydi. Bizda bunday imkoniyat bor. Biz kuchayganmiz va chidamliroq bo‘lganmiz", - deydi Emeri.
